अगस्ट ६ मा नवाज फाईनल कप हुँदै


Date:2017-08-04
अस्ट्रेलियामा रहेका फूटबल पारखी तथा खेलाडीहरुलाई हौसला प्रदान गर्दै नेप्लीज अष्टे«लियन वेलफेयर सोसाइटी (नवाज) ले प्रत्येक वर्ष संचालन गर्दै आएको फूटबल प्रतियोगिता अन्र्तगत सन् २०१७ को सिड्नी मेट्रो कलेज नवाज कप फूटबल प्रतियोगिताको फाइनल खेल यहि आइतवार ६ अगस्टका दिन लिडकम स्थित वाईड पार्कमा हुने भएको छ । 
 
नवाजका अध्यक्ष बिनोद शर्माका अनुसार उक्त दिन विहान ११ बजे तेस्रो स्थानका लागि माछापुच्छे्र र सेन्ट फेन्ड्रस् सिम्रीक क्लब बीच प्रतिस्पर्धा हुने भएको छ भने फाइनल खेल दिउँसो १ ः३० बजे टिआरसी फूटबल क्लब र फेवा फूटबल क्लब बिच हुनेछ । 
 
साथै उक्त फाइनल खेलका दिन ३५ वर्ष उमेर समुहभन्दा माथिका भेटेरान समुहको सेमीफाइनल माछापुच्छ्रे र एचवाईसी क्लब बीच तथा सेन्ट जर्ज नेप्लीज र पारापार्क क्लब बीच प्रतिस्पर्धा हुने भएको छ । 
 
फाइनल खेलको समापनमा वालवालिकाहरुको लागि जम्पिङ कास्टल, किड्स रेसिङ, किड्स पेलान्टी सुट आउट लगायत महिलाहरुका लागि म्युजिकल चियर जस्ता खेलहरु समेत समावेश गरिएको छ । नेपाली खानाका परिकार सँगै फूटबलका पारखीहरुले उक्त फाइनल खेलको मनोरञ्जन लिन सक्नेछन् । अध्यक्ष शर्माले प्रवासमा खेलाडीहरुको हौसला बढाउन तथा आपसी भाइचारा बढाउन समेत उक्त फाइनल खेलमा स–परिवार उपस्थिति हुन सिड्नीबासी नेपाली समुदायलाई विशेष अनुरोध गरेका छन् । 
नवाजका अध्यक्ष शर्माका अनुसार विजेता टिमलाई आकर्षक पुरस्कारको समेत व्यवस्था गरिएको छ । जसमा  प्रथम हुने टीमले पुरस्कार वापत सिल्ड, र प्रमाणपत्र सहित १५०० डलर, दोस्रो स्थान ल्याउने टीमलाई ८०० र तेस्रो स्थान ल्याउने टीमलाई ५०० डलर पाउनेछन् । त्यस्तै म्यान अफ द शिरिज विजेतालाई ३०० डलर र  म्यान अफ द फाइनल विजेतालाई १०० डलर पुरस्कार प्रदान गरिनेछ । 
 
१९९९ मा गैर–नाफामुलक संस्थाको रुपमा स्थापित नवाजले प्रत्येक वर्ष नेपाली दाजुभाइबीच भाइचारा तथा आपसी  सम्बन्ध विस्तारका लागि फूटबलको आयोजना गर्दै आएको नवाजका कृष्ण तिवारीले बताएका छन ।